Оккупирон территоритыл исады хыгъды процесс 2006 азы райдыдта. Ацы рæстæгмæ, хицауадæн Абхазийæ 67 000 лигъдон бинонты исад ис хыгъдмæ хаст.

Ныртæккæ, Цхинвалы регионы – Тигъвайы, Ереды, Куртайы æмæ Ахалгоры муниципалитеттæй 10 000-онг лигъдон бинонты сæрмагонд исад плангонд цæуы, кæцытæ сæ цæрæн бынæттæ Уæрæсе-Гуырдзыстоны 2008 азы августы хæсты фæстæ ныууагътой.

Лигъдæтты сæрмагонд исад зæронд документтæм, сыхæгтимæ ныхасæй æмæ спутникон нывты фæрцы бæрæггонд æрцæудзæн. Амæй фæстæмæ, алы бæрæггæнæн дæр кæронмæ цифронгонд уыдзæн æмæ сæ систематизаци æрцæудзæн.

9-æм августы журналисттимæ ныхасы рæстæджы, Фидыды æмæ æмбæстагон æмбарады фарстæты паддзахадон министр Цихелашвили Кетеван расидт, цæмæй «Лигъдæттæн кæй ис раздахыны æнæбайсгæ бар æмæ ацы бары реализацийы фæстæ, ацы [исады хыгъд] уымæн бындур суыдзæн, цæмæй уыдонæн хисæрмагонддзинадыл бар уа».

Миграцийы фарстæты паддзахадон къамисы 2016 азы бæрæггæнæнтæм гæсгæ, бæстæйы æдæппæт 268 419 лигъдоны ис регистрацигонд, уыдонæй 242 443 Абхазийæ у, 25 976 та, Цхинвалы регионæй.