Хурвалеты зæрæдты хæдзары 84-аздзыд Гамхърелидзе Тамар фæзиан. Центрмæ зылды бонæй иу адæймаг фæхъуыдис. 84-аздзыд зæрондæн, ацы къуырийы хъуамæ, специалон гобан æрбаластаиккой.

Ацæргæты хæдзары разамонæг Салиа Людмила зæгъы, цæмæй сылгоймагæн дыккаг хатт уыдис инсульт æмæ амардис. Марды Ныгуылæн Гуырдзыстонмæ аластой.

Хæрз æрæджы, 30-æм ноябры, зæрæдты хæдзары цæрæг зæрæдтæ ногазон бæллицтæ сыфтыл ныффыстой, æмæ сæ уый фæстæ, «Хæдзары» официалон фейсбукы фарсыл рапарахат кодтой:

«Æз дæн Тамар, уатон рынчын, ногазмæ бæллын, цæмæй мын уа специалон гобан», фыста Гамхърелидзе Тамар.
Фыстæджыты рапарахаты фæстæ, æндæр æмæ æндæр организацитæ æмæ хицæн адæймæгтæ зæрæдтæн ногазмæ сæ бæллицтæ сæххæст кæнын аскъуыддзаг кодтой.

«Хъæбултæй мæм йæ хъус ничи дары, ныууагътой мæ … Ногазмæ мæ хъæуы «къæдзлæдзæг» кæнæ къухылæдзæг æмæ хъарм худ», - фыссы 83-аздзыд Миша-дада. «Мæ фырт фæзиан, цæрын Хурвалеты хъæуы зæрæдты хæдзары. Ногазы лæвармæ бæллын хъарм цъындатæм æмæ хъарм худмæ», - ахæм у 89-аздзыд Илуридзе Ардагы бæллицц дæр. Сандро-дада, 81-аздзыд, фыссы: «Ногазы лæвармæ æнхъæлмæ кæсын хъарм хæлаф æмæ хъарм худмæ, астмæйæ рынчын дæн æмæ…», Инга, 87-аздзыд фыссы: «Хъæбултæ мын никуы уыдис. Помадæ, цæсгомы крем æмæ хъарм худмæ бæллын ногазон лæварæн», «Æз дæн Гуло, иунæг адæймаг, æнæхæдзар. Цæрын Хурвалеты хъæуы зæрæдты хæдзары. Ногазон лæвар мын æхсызгон уыдаид хъарм шарф».

Гуры муниципалитеты Хурвалеты хъæуы «Хæдзар æнæ арæнтæй» 2016 азы байгом. Социалон амалиуæг ацæргæтæн мултипрофилон сервис дæтты, цахæм у боны центры лæггаддзинад, хæдзармæ зилыны сервис æмæ темон 24 сахатон лæггаддзинад (балæууæндон).

Банысангонд центр дихгæнæг хаххы цур хъæуты, Хурвалеты, Цъителубанийы, Надарбазевы, афтæ ма Хурвалеты æмæ Шаушвебы лигъдæтты цæрæнуæтты цæрджытæн арæзт æрцыд. Хæдзары къухдариуæггæнæг Абхазийæ лигъдон Салиа Людмила у.

Уый ацы проекты гермайнаг организацийы «Арбаитер-Самаритер-Бундис», хæрзаудæн гуманитарон центр «Абхазийы» æмæ Америкæйы лигъдонты æмæ миграцийы бюройы финансон æххуысæй сæххæст кодта.