Ам æсхъомыл дæн. Цардыстæм Громы сæртыл æмæ нæ лидзæг фæкодтой ардæм, радзырдмæ гæсгæ. Хъалон уыдис – айк хъуамæ радтаис, къуымбил; хæдзарæн цæй фадат дæр уыдис, уый фыстой. Омæ хъæдгæроны цардысты æмæ нæ фыстой. Нæ фыстой æмæ «ам, дам, уæ цы хъæуы?» æмæ нæ стæй лидзæг фæкодтой æмæ нæ æрцæрын кодтой ам. Цъус чъынды адæм уыдысты æмæ хъалæттæ нæ фыстой æмæ уымæн æсхуыдтой «Сæрибар» зæгъгæ, ома сæрибар дæ алцæмæй.

1990-æм азты конфликты рæстæджы етникон ирæттæ хъæу ныууагътой

,,Цы куы зæгъай, чи йæхи барæй ацыд, чи… Дзæуджыхъæумæ ацыдысты, æви кæдæм ацыдысты. Цæрынц. Уыдонæн сæ зæрдæмæ фæцыдис, фæлæ мæ зæрдæмæ нæ. Уым мын хæдзар дæттой, ай раджы ацыдис мæ фыдыхо æмæ «рацу, дам, дын зæхх дæр дын радтдзыстæм, æмæ, дам, хæдзар дæр» йæ хицæттæн загъты – «Домент, дам, æрцæрæд ам» æз фæхудтæн æмæ йын загътон – «ацы хæдзар дæр уæхи уæд æмæ уын ацы зæхх дæр, зæгъын.»

Чи дзы фæрынчын, цæвиттонæн мæ æфсымæр, ацыдис æмæ уым фæмард. Хъæуы ма чи баззадыстæм, иу аст. Къудухтæ сты, Уалытæ, æндæр чи, фылдæр хай – Джиголатæ сты, сæхи Гиголашвили фыссынц, фылдæр хай.

Ай йæхи цыдæй цы цæуы, ай фарон сарæзтой.

,,Тыллæг? Æнгуылдз куы сæвæрдтаис, æнгуылдз, уый бынат дæр дзы нæ уыдис. 6 гектары бал уыдис, бал. Æндæр иуылдæр – чылæу, фæткъуы, атъами… цы ма зонын, цы нæ уыдис. Цхинвалæй нæм дон цыди, уый сæхгæдтой æмæ тынг зын у…''