Гуырдзыстоны прокуратурæ дэ-факто Хуссар Ирыстоны барадхъахъхъæнæг органты æмкусджыты, Гуырцъиаты Давид æмæ Табойты Аликæн зылыны тæрхон фæсаууонæй рахаста. Ай фæдыл абон сæйраг прокуратурæ хъусинаг рапарахат кодта. Курдиатмæ гæсгæ, ацы гоймæгтæ Татунашвили Арчилы æмæ йемæ уæвæг дыууæ æмбæстаг, æнæзакъононæй æрцахстой æмæ хайад райстой къордон фыдмидзинады.

Прокуратурæйы хъусинагы уын æнæфæивгæйæ дæттæм:

«Фæдагурæн куыст ауадзынæй сбæлвырд, цæмæй Гуырдзыстоны æмбæстаг Татунашвили Арчил периодонæй цыдис оккупирон Ахалгоры районы территорийыл, цыран ын уыд чысыл амалиуæггæнæгон куыстытæ. 2018 азы 20-æм февралы, уый куы ныууагъта уыцы территорийы, оккупирон Цхинвалы регионы а. х. барадхъахъхъæнæг органты æмкусджытæн зындгонд сси, цæмæй Татунашвили Арчил службæ кодта Гуырдзыстоны гæрзифтонг тыхты 2008 азы августы мæйы, æмæ аскъуыддзаг кодтой йæ бафхæрын æмæ хъизæмар кæнын.

2018 азы 22-æм февралы, Гуырдзыстоны æмбæстонтæ Татунашвили Арчил, И. П. æмæ Л. К. Гуырдзыстоны хицауады ‘рдыгæй контролгонд территорийæ бахызтысты оккупирон Ахалгоры территорийыл, цыранмæ Татунашвили Арчилы сæрмагонд автомашинæйыл æмæ Л. К.-йы автомашинæйыл баластой дыргътæ æмæ халсæрттæ. Ацы уавæры базыдтой оккупирон Цхинвалы регионы а.х барадхъахъхъæнæг органты æмкусджытæ æмæ аскъуыддзаг кодтой, цæмæй Татунашвили Арчилы æнæзакъононæй æрцахстаиккой æмæ йæ акодтаиккой ахæм бынатмæ, цыран æй бафхæрдтаиккой.

Сæ нысан сыххæст кæнынæн, 2018 азы 22-æм февралы, Ахалгоры районы Мосабруны хъæуы цур, Татунашвили Арчилы, И.П. æмæ Л.К-йы оккупирон Ахалгоры а.х. прокуратурæйы прокуроры хæдивæг Гуырцъиты Давит, оккупирон Ахалгоры а.х. «КГБ»-йы куыстуаты хайады хистæр Табойты Алик æмæ оккупирон Цхинвалы регионы а.х. барадхъахъхъæнæг органты æндæр æмкусджытæ къордон, æнæзакъононæй æрцахстой нырма Татунашвили Арчилы, фæлæ фæстæдæр та – И.П. æмæ Л.К.-йы æмæ сæ акодтой Ахалгоры районы а.х. æдасдзинады куыстуаты бæстыхаймæ, цыран Татунашвили Арчилы къухтыл бакодтой хъадамантæ æмæ йæ хъизæмары нысанæн, адæттой оккупирон Цхинвалы регионы а.х. барадхъахъхъæнæг органты гæрзифтонг тыхты æмкусджытæм, кæцытæ йæ акодтой Цхинвалмæ.

Татунашвили Арчилы Цхинвалмæ акæныны размæ Л.К. æмæ И.П. рæстæгмæ ссæрибар кодтой, фæлæ сæ фæстæдæр уæддæр æрцахстой.

Цхинвалы а.х. прокуратурæйы бæстыхайы оккупирон Цхинвалы регионы а.х. барадхъахъхъæнджытæ, 2008 азы августы хæсты хайад исыны фæдыл Татунашвили Арчилæн фыдмитæ фæкодтой, æмæ йын йæ буарыл æндæр æмæ æндæр хуызы сæдæйæ фылдæр зиан ракодтой. Уый фæстæ Татунашвили Арчил амардис.

Уымæ гæсгæ, аххосджынтæ Гуырцъиты Давит æмæ Табойты Алик сæхи дард ластой барадхъахъхъæнæг органтæм бацæуынæй, уыдонæн фæсаууонмæ зылыны тæрхон рахаста Гуырдзыстоны уголовон тæрхоны кодексы 143-æм пункты 3-аг хайы «А» æмæ «Г» (æрцахсыны – развæлгъау баныхасгæнгæ къорды ‘рдыгæй, дыууæ кæнæ фылдæр гоймаджы ‘рдæм) æмæ 25-1441 пункты 2-аг хайы «Е» æмæ «З» дæлпункттимæ (хъизæмары баххуыс кæнын, сарæзт къордонæй, ахæсты кæнæ æндæр хуызæй æрцахсыны гоймаджы ‘рдæм).

Прокуратурæ закъонæй фидаргонд æмгъуыдмæ бадæтдзæн тæрхондонмæ аххосджыны æрцахсты æрдомдæй. Уголовон тæрхоны хъуыддагыл дарддæр кæны фæдагурæн куыст фыдракæнды цалдæр æндæр гоймаджы сбæлвырд кæныны нысанæй. Фæдагурæн куыстæн разамынд кæны Гуырдзыстоны мидхъуыддæгты министрад. Гуырцъиаты Давитæн æмæ Табойты Аликæн бавдыст аххосдзинад тæрхоны хуызы фараст азæй фынддæс азмæ ахæстоны сбадын нысан кæны», - нысангонд ис прокуратурæйы курдиаты.