Дунеон чемпион æмæ уæгъдибар стилæй хъæбысæйхæцджыты æмбырдгонды уæнг, Петриашвили Гено социалон хызы рапарахатгонд фототы тыххæй, хъусинаг парахат кæны. Уый ныхасмæ гæсгæ, Тедеты Джамболаты (Джабо) хуызджын майкæйы скæнгæйæ хуызтæм йæ хъус не рдардта.

«Уæ бонтæ хорз. Социалон хызты рапарахатгонд мæн æмæ мæ командæйы уæнгты фотойы тыххæй мæ фæнды зæгъын. Фото ист у 2018 азы Европæйы чемпионатыл Дагъистаны, цыран нæ Тедеты Джабо ракуырдта фото сисын йæхи хуызджын майкæимæ иумæ æмæ мах дæр хæларæй сразы стæм, уымæн æмæ мах фарсхæцæг у æмæ хæлæрттæ стæм. Æнгæс майкæтæ сувениры хуызы ис алы чемпионатыл дæр. Ацы майкæйыл ис мæ хæлар хъæбысæйхæцæджы ныв æмæ æрмæстдæр уый тыххæй систам ацы фото, уый уыд æрмæст хæларон жест. Бауырнæд уæ майкæйы хуызтæм мæ хъус не рдардтон. Мæнæн дæр æмæ командæйы алы уæнгæн дæр афтæ риссы йæ зæрдæ райгуырæн бæстæйыл æмæ сæфт территоритыл, куыддæриддæр алы гуырдзиагæн риссы йæ зæрдæ», - фыссы Петриашвили Гено фейсбукы сæрмагонд фарсыл.

Абон веб-портал On.ge-йыл рапарахат ис статья ахæм сæргондимæ: «Гуырдзыстоны æмбырдгонды хъæбысæйхæцджытæ дэ-факто Ирыстоны депутаты «цытæн» уый майкæ йæ нывимæ скодтой сæ уæлæ. Статимæ гæсгæйæ, Гуырдзыстоны хъæбысæй хæцыны национ æмбырдгонды сæйраг тренер æмæ хъæбысæйхæцджытæ Уæрæсейы тырысайыхуызы майкæты мидæг фото систой. Майкæтыл дэ-факто Ирыстоны парламенты депутаты æмæ Уæрæсейы æмбырдгонды сæйраг тренеры, Тедеты Джамболаты цæсгомы хуыз у мыхуыргонд.

Фотойыл, кæцы On.ge-мæ кæсæг балæвæрдта, æвдыст ис ноджы æртæ гоймаг, кæцыты майкæтыл фыст ис RUSSIA. Уыдоны идентифицирдзинад On.ge-йæн йæ бон не сси.

Петриашвили Гено Нулы хъæуæй у. Пронейы комы ацы хъæу оккупиргонд у æмæ этникон гуырдзиæгтæй уым ничиуал ис. Ацы хъæуæй 11 азы размæ Петриашвили Генойы криминалтæ аскъæфтой æмæ йæ дэ-факто республикæйы дæлбариуæг территоримæ акодтой. Æртæ мæйы фæстæ, Петриашвили Генойы ссæрибар кодтой. Скъæфджытæ æхца куырдтой.