Фидыды æмæ æмбæстагон æмбарады фарстæты паддзахадон министр Цихелашвили Кетеван, НАТО-йы иугæнæн офисы къухдæариуæгадимæ Розариа Пуглиимæ æмæ НАТО-йы æмæ Евроцæдисы тыххæй информацион центры директоримæ Болквадзе Ниноимæ иумæ ахуырадон-æмбарынадон семинар «НАТО-æвзæрст сабырадон æмæ стабилон рæзынадæн» байгом кодта.

Семинарыл, цыран Ниноцъминдайы æмæ Ахалкалакы цæрæг этникон къаддæр хайы минæвар ахуыргæнджытæ уыдысты, хъусдард здæхт æрцыд педагогты нысаниуæгджын хайбахастыл регионы НАТО-йы, афтæ ма Гуырдзыстоны евроатлантикон интеграцийы процессыл информацийы парахат кæныны.

Паддзахадон министр æнгæс фембæлдты нысаниуæгыл æрныхас кодта æмæ банысан кодта, цæмæй ахуыргæнджытæ иуыл сæйрагдæр роль æххæст кæнынц фидæны фæлтæры формир кæныны. Уыдонырдыгæй æвæрд алы фарст уый фæдыл, цы нысан кæны Гуырдзыстоны Евроатлантикон тырнындзинад æмæ цы пайда æрхæсдзæнис уый алы æмбæстагæн, стыр нысаниуæгджын у.

«Уымæй ноджы уыцы фоныл, æмæ уырыссаг пропогандæ, сæрмагондæй этникон къаддæр хæйттæй компактонæй цæрæн регионты, æдзухæй цæуы æмæ паддзахадон æвзаджы æмбæлонæй нæ зонын, хъыгагæн, нырма ноджы ис иуæй-иу къуыхцыгæнæг фактор уымæн, цæмæй уыдонæн информацийы æххæстæй райсынæн фадат ма уа. Кæй зæгъын æй хъæуы æмæ ахæм фембæлдтытæ махæн иуæй-иу фæрæз у, цæмæй мифтæ æмæ стереотиптæ скуынæг кæнæм æмæ сæм объективон информацийы бадæттæм», - загъта паддзахадон министр.

Дыууæ боны дæргъы ахуыргæнджытæ фембæлдзысты хицауадон структурæты, дипломатон корпусы минæвæрттимæ æмæ эксперттимæ. Райсдзысты информаци Нато-Гуырдзыстоны æмахастытыл, сабырадон мисситы Гуырдзыстоны хотыхджын тыхты хайадист æмæ Натойы уæнг бæстæты фæлтæрддзинадыл.

Проект «Натойы æмæ Евроцæдисы тыххæй информацион центры» организацигондæй æмæ Гуырдзыстоны Натойы иугæнæг офисы фарсхæцынадæй ныр æхсæзæм азы æххæстгонд цæуы. Уый фæлгæтты Гуырдзыстоны æндæр æмæ æндæр регионæй 650-онг педагог цæттæгонд æрцыдис.