«Ацы форматтæ æрмæст хъахъхъæдгонд ма хъуамæ æрцæуой, фæлæ-ма ноджы эфективон дæр хъуамæ суой», - ахæм дзуапп дæтты Фидыды æмæ æмбæстагон æмбарады фарстæты Гуырдзыстоны паддзахадон министр Цихелашвили Кетеван Уæрæсейы фæсарæйнаг уагдоны официалон минæвары Захарова Мариайы курдиатæн, уый фæдыл, цæмæй «гуырдзиаг партнертæ не сты цæттæ хайад райсой иумæйаг куысты, кæцы арæнгæрон территорийыл æндыгъддзинад фæкъаддæр кæндзæнис».

Паддзахадон министры ныхасмæ гæсгæ, гуырдзиаг фарс конструкционæй хайад исы бадзырдты алы форматы дæр æмæ дырысæй хъусын кæны алыран дæр, уыдон æхсæн æрæджы ауагъд Женевæйы раундыл дæр, цæмæй иницидентты превенцийы æмæ уыдоныл реагир кæнынады механизмы фембæлд æнæмæнгæй хъуамæ адарддæр уа, цæмæй уый æнæмæнгхъæугæ у уыцы элементарон стабилизацийæн, кæцы сындзтелгæрæны дыууæ фарсырдыгæй цæрæг цæрджыты æрвылбонон цардæн у хъæугæ.

«Зынæмбарæн у цæмæн лæггад кæны ахæм типы курдиæттæ уæд, кæд æмæ гуырдзиаг фарсы позици ахæм иувæрсыг уыдзæн. Ацы форматтæ æрмæст хъахъхъæдгонд ма хъуамæ æрцæуой, фæлæ ма хъуамæ ноджы эффективон суой, уымæн æмæ, сабырады æмæ стабилизацийы тыххæй æнæмæнгхъæугæ у абоны статус-кво ивд æрцæуа æмæ конфликт сабырæй бæстонгонд æрцæуа».

«Кæй зæгъын æй хъæуы, ницыхуызон арæнтыл ныхас нæ уыдзæнис æмæ уый тынг хорз хъуамæ æмбара алчидæр, уыдон æхсæн Уæрæсейы Федераци дæр. Абон мах ныхас кæнæм сындзтелгæрæнæй арæнгонд оккупацион хаххыл, кæцы адæймæгты æрвылбонон царды хъыг дары. Тынг уæззау уавæрты æппары сæйрагæйдæр сындзтелгæрæны иннæ фарс цæрæг адæймæгты, адон сты гуырдзиæгтæ, ирæттæ æви абхазæгтæ уæлдай сæ нæй. Ам цæрæг гуырдзиæгтæ ноджы фылдæр уæззау уавæрты сты, уымæн æмæ дывæр дискриминацийы æнкъарынц», - загъта Цихелашвили Кетеван.