Нато, куыд æнæалтернативон фæндаг бæстæйы æдасдзинады ифтонгадæн – ацы темæйыл раныхас кодта Фидыды æмæ æмбæстагон æмбарады фарстæты Гуырдзыстоны паддзахадон министр Цихелашвили Кетеван Гуырдзыстоны хихъахъхъæныны æмæ æдасдзинады радон 12-æм конференцийыл, цыран темæйыл «Нато-йы гом дуары политикæ НАТО-йы Саммиты фæстæ» дискусси адарддæр ис.

Йæ раныхасы паддзахадон министр Цихелашвили Кетеван уæлдай хъусдард аздæхта оккупацийы тæссагдзинæдтыл æмæ æрныхас кодта Гуырдзыстонæн Альянсы уæнгдзинады нысаниуæгыл.

«Абон мах Гуырдзыстоны иуæй-иу критикæмæ гæсгæ ахсджиаг фарстæйыл уынаффæ кæнæм. Ай у Нато-йы уæнгдзинады перспективæ, Гуырдзыстоны реформæты боны фæтк, ацы фæндагыл трансформаци æмæ Нато-йы гом дуары политикæ. Ай июлы мæйы ауагъд Брюселы саммиты перспективæйы æвзæрст æрцæудзæнис. Махæн иттæг ахсджиаг у, уый, цæмæй ноджы иу хатт нысангонд æрцæуа ацы æнтыстдзинад, кæцы Гуырдзыстоны Евроатлантикон интеграцийы фæндагыл нымад у æмæ ноджы иу хатт бахахх кæнæм, цы нысан кæны Гуырдзыстонæн Натойы уæнгдзинад. Цæмæй уый нæу æрмæст æвзæрсты процесс. Ай у æнæалтернативон фæндаг, цыран бæстæйæн ис æдасдзинады ахæм расидт, цахæмдæриддæр у ныры оккупаци».

«Нато-йы уæнгдзинад, фактивонæй æвдай азы дæргъы, Европæйы бирæ бæстæтæн уыдис æдасдзинады æмæ сабырады уыцы зонтыкк, кæцыйы быны уыдон арæхстысты экономикон рæзты, цæрджыты цæрæн уавæрты ифтонгкæнынады æмæ стабилон, демократон консолидацийы. Мах дæр афтæ фæнды», - банысан кодта Цихелашвили Кетеван.

«Гуырдзыстоны хихъахъхъæныны æмæ æдасдзинады конференци» уынаффæтæ исæг гоймæгтæн, æхсæнадæмон эксперттæн æмæ æмбæстагон æхсæнады минæвæрттæн фысымиуæг кæны, кæцытæ æхсæнадæмон фæткæвæрды раз уæвæг нысаниуæгджын расидтыты фæдыл интерактивон пленарон рабадтыл æмæ гом дискусситы форматы кæрæдзийæн сæ хъуыдыты æмæ цæстæнгæстыл æрныхас кндзысты.

Конференцийыл 300-йы онг хайадисæг ис, уыдон æхсæн сты бæрзонд рангы гуырдзиаг æмæ фæсарæйнаг политиктæ, хихъахъхъæнынады æмæ æдасдзинады къабазы эксперттæ, æмбæстагон æхсæнады, дзыллон информацийы æмæ академион зылдты минæвæрттæ.