Зары трагедийæ 28 азы рацыд. 1992 азы 20-æм майы Дзау-Цхинвалы иугæнæг фæндаджы фадыгыл уæзласæн автомашинæйы фехстой, цыран æмбæстагон гоймæгтæ уыдысты.

Уыцы рæстæгон гуырдзиаг прессæйы бæрæггæнæнтæм гæсгæ, фæмард 32 адæймаг, се "хсæн сылгоймæгтæ æмæ сабитæ. 16 æмбæстаг та, цæфтæ фесты.

Ацы факты газет "7 бон" дыууæ нацийы трагеди схуыдта. 1992 азы 21-æм майы рапарахатгонд статийы дзырдæуыд, цæмæй бæстæйы хъуамæ фыдохы бон (траур) уа.

Уæ размæ хæссæм, статийы текст:




19-æм майы Чъехы хъæумæ "ввахс Дзауырдæм цæугæ фæндагыл автобусы фехстой хотыхджын гоймæгтæ. Æхсты фæстиуæгæн фæмарди 32 адæймаг, сæ фылдæр сылгоймæгтæ æмæ сабитæ.

20-æм майы, Паддзахадон Совет ацы факты фæдыл æрсидт сæрмагонд рабадт. Рабадты райдианы Паддзахадон Советы сæрдар, Шеварднадзе Эдуард банысан кодта, цæмæй ирон цæрджыты "рдæм сарæзт фыдракæнд развæлгъау хъуыдыгонд фыддзинад у, зæгъгæ. Уый уыцы тыхтæ сæххæст кодтой, кæцытæн абон Гуырдзыстоны сабырад æмæ стабилон уавæр къух нæ дæтты.

Цхинвалы регионы фæстаг æртæ боны уыдис сабырад. Гуырдзиаг æмæ ирон фæрсты лидертæ реалонæй баныхас кодтой æхст бауромыны тыххæй. Нысангонд фыдракæнд арæзт æрцыд уæд, Гуырдзыстоны куы уæвыд Европæйы æдасдзинады æмæ æмгуыстады æмбырды экспертты къорд.

Паддзахадон Советы президиумы уæнг Иоселиани Джаба ацы вандализмы фæаххосджын кодта раздæры экс-президенты. Уый æрымысыд Гамсахурдиа Звиады хъусинаг, цыран Гуырдзыстоны дестабилизацийы тыххæй уый йе "вварсхæцджытæм куыд сидтис диверситы æмæ терроры "рдæм.

Паддзахадон Советы уæнгтæ категорионæй æркуырдтой фыдгæнджыты æвæстиатæй раргом кæнын. Æвæрд æрцыд фарст, цæмæй арæзт æрцæуа специалон къамис, кæцы контроль кæндзæн фыдгæнджыты сбæлвырд кæнын æмæ рабæрæг кæныны хъуыддаг.

Уыцы изæры Шеварднадзе Эдуард фембæлд Европæйы æдасдзинады æмæ æмгуыстады æмбырды экспертты къордимæ. Ныхасы рæстæджы нысангонд æрцыд, цæмæй Гуырдзыстоны хицауад кæй у алыхуыз экстремизмы æмæ фанатизмы ныхмæ, кæцыфæнды нацийы минæвар дæр ма уæд, уый. Фембæлдыл дзырд цыд, зæгъгæ, хъуамæ бацархайæм национ къаддæр хæйтты барты бахъахъхъæныныл, фæлæ сæ дзуаппдæттынадыл дæр хъуамæ æрныхас кæнæм.

Къорды къухдариуæггæнæг Марк Эйскен Европæйы æдасдзинады æмæ æмгуыстады æмбырды экспертты къорды уæнгты номæй фехъусын кодта, цæмæй уыдон стыр кад кæй кæнынц Шеварднадзейæн, йæ адæймагдзинадæн, æмæ алцыппæтдæр кæй сараздзысты Гуырдзыстоны демократон принципты сфидар кæнынæн.

21-æм майы Хельсинкы æмбырды экспертты къорд уыдис Гуры æмæ Цхинвалы районы. Спълангонд у сæ фембæлд Уæрæсейы æфсæдты Фæскавказы къорды раздзог, инæлар-полковник Патрикеевимæ.
Редакцийæ:

Æрцыд тæссаг фыдракæнд. Уый-ма нын баззад, расидæм фыдохы бон. Фыдох, æрмæст фæмардуæвджыты номарæнæн, нæ фæлæ-ма уый тыххæй дæр, æмæ махæн гуырдзиæгтæн нæ бон у сылгоймæгтыл æмæ сабитыл къух сисын. Абоны онг нæ быхстдзинад æмæ адæймагдзинадæй сæрыстыр уыдыстæм. Ацы фактæй нæ иллюзитæ фæтары сты. Сарæзт фыдракæнд нæ æвæры гуымиры адæмты рæнхъыл, æвæццæгæн исчи зæгъдзæни, ныхмæлæууæг, дам, фыддæр митæ кæны æнæхатырæй, зæгъгæ, фæлæ культурæ æмæ цивилизаци дæтты нацийæн уый бар, цæмæй хъæддагдзинадæн хъæддагдзинадæй дзуапп ратта?

Ацы факт раргом кодта, æмæ моралон, культурон, духовон сæрсæфæны был кæй стæм. Абон фæмардуæвæг сабитимæ иумæ нæхи сæрыл дæр хъуамæ хъынцъым кæнæм.