31-аздзыд Куртаты Малхаз ныртæккæ Бобнеуы хъæуы (Ног Хурвалет) йæ дада æмæ нанаимæ иумæ цæры. Ванишвили Датайы хъæбулы хъæбул хъуыды кæны, цæмæй Гуырдзыстоны хицауады дæлбариуæг территориймæ ахизид, фæлæ гуырдзиаг полицæйæ дæр тæрсы:

"Æз уымæй дæр тæрсын, æмæ уыцырдæм куы рахизон, уæд мæ гуырдзиаг полицæ мыййаг куы æрцахса æмæ мæ Цхинвалы хицауадмæ куы радта", - загъта нын Куртаты Малхаз (Ванишвили).

Уый дыууæ боны размæ йæхи фæхъæстæ кодта. Цхинвалы рынчындоны схос кодта æмæ йæ стæй дыккаг бон фæстæмæ, 20-æм январы рарвыстой.

Сæ хæдзар Хурвалеты хъæуы уыцы хайы ис, кæцы оккупацигонд территоримæ бахауд. Ацы цæрæнуаты Бобнеуы хъæу (Ног Хурвалет) хонынц.

Куртаты Малхаз махимæ ныхас кæныны рæстæджы æмбарын кæны, цæмæн тæрсы уый гуырдзиаг полицæйæ:

"Ардæм куы рахызтыстæм, уæд дыууæ къуырийы фæстæ мæ хæдзармæ ам иу уырыссæгты хæдивæг у. Æрбацыдис. Мæ лигъдоны бæлвырдгæнæн гæххæт мын байста, гоймагон бæлвырдгæнæн дæр мын байста, стæй нæ 9-æм декабры акодтой нæ сæ будкæйæ фалдæр ахизын кодтой. Акодтой нæ Бобнеуы дыгъдоны кæрæттæм æмæ дам, уыцырдæм ахизут Гуырдзыстоны территоримæ, ома дам, еныр æрбацыдыстут. Ме "мкъай 8 мæйдзыд сывæрджыны æмбонды сæрты аргъæвтон, стæй йæ фæстæмæ раргъæвтон", - дзуры нын Малхаз.

Уый-ма афтæ дæр дзуры, цæмæй уый уырыссаг æфсæддонтæ видеойы дæр систой, цыран уый гуырдзиæгты иронау фелгъыста.

"Видеойы мæ уæд систой, ома дам, нæйы зæгъ Гуырдзыстоныл, фелгъит дам, иронау гуырдзиæгты, тагъддæр дам, сын сæ мады фелгъит".

- Фелгъыстай?

- Ойы, фелгъыстон, æндæр гæнæн мын нæ уыдис. Мæ уд йæ нывонд Гуырдзыстонæн, æндæр амал мын нæ уыди æмæ ... хорз йеддæмæ мын æвзæрæй ницы сарæзтой", - зæгъы Куртаты Малхаз.

Æрцахсты æмæ видеойы сисыны фæстæ, Малхаз æмæ йе "мкъайы, Адикъашвили Татиа Ахалгоры изолятормæ акодтой. Татиа дыууæ къуырийы фæстæ Гуырдзыстоны хицауадмæ лæвæрд æрцыд, Малхазæн та, хæдзарон ахæсты тæрхон рахастой æмæ абоны онг Хурвалеты оккупацигонд хайы цæры:

"Мæн фæнды ме "мкъай æмæ мæ хъæбулимæ иумæ цæрын. Æз куы рахизон дæлæмæ, уæд мæ уыцы видеоты тыххæй Гуырдзыстоны полицæ æрцахсдзæнис? Уымæй дæр тæрсын. Стæй Цхинвалы хицауад куы æркура мæн уырдæм раттын, уæд мæ ноджы тынгдæр амардзысты. Рахизин Гуырдзыстонмæ, куыд лигъдон, иу фатер мын балхæнæд, куыст мын раттæд æмæ мæ æндæр æппындæр ницы хъæуы ме "мкъай æмæ мæ хъæбулимæ иумæ Гуырдзыстоны адджынæй фæцæрин", - загъта нын Куртаты Малхаз.

Ацы инициденты фæстæ, Куртаты Малхаз 19-æм январы йæхи фæхъæстæ кодта. Йæ нана, Ванишвили Валя куыд зæгъы, уымæ гæсгæ

, сæм хæдзары уыдис æфснайд дуст, æмæ дам, уымæй банызта йæ хъæбулы хъæбул.
Куртаты Малхазы тыххæй уын, куыд загътон, афтæмæй ныртæккæ уый, Дата æмæ Валя Ванишвилиты хæдзары цæры. Йæ ныййарджытæ та – Дзæуджыхъæуы цæрынц. Уый йæ нанамæ æмæ дадамæ арæх цыдис, Хурвалеты оккупацигонд хаймæ.

Ам базонгæ ис ацы хъæуы цæрæг Адикъашвили Татиаимæ дæр, кæцы Гуырдзыстоны хицауады дæлбариуæг территорийыл цæры. Бирæ проблемæтæм æнæгæсгæйæ, уыдон уæддæр кæрæдзиуыл æмбæлдысты. Фæстагмæ, ивгъуыд азы зымæджы сæ цард сиу кодтой æмæ цардысты иумæ.

Сæ бацардæй фæстæмæ, Адикъашвили Татиа Ванишвилиты хæдзары цардис. Бæрæг рæстæджы фæстæ, ацы хабар зындгонд сси Уæрæсейы æфсæддонтæн æмæ йæ 2020 азы апрелы мæйы æрцахстой.