Гуры горæты административон бæстыхайы, лигъдæттæн ног фатертæ дих кæныны фарстæйыл, къамисы рабадт хъæлæбайы фоныл уагъд цæуы. Бæстыхайы къæлидоры тынг бирæ адæм алчи йæ радмæ æнхъæлмæ кæсы.

Ис дзы ахæмтæ дæр, кæцытæ хъуыды кæнынц, æмæ уыдон номхыгъды нæ уыдзысты. Иу хаймæ æрвыст æрцыд хъусинаг, иннæ хаймæ – нæ.

Уæ зæрдыл уын æрлæууын кæндзыстæм, æмæ Гуры, комбинаты цæрæнуаты лигъдæттæн корпустæ арæзт кæй æрцыд. Фатертæ 480 лигъдон бинонтæн æмбæлы, фæлæ курдиат та 1216 бинонтæн ис фыст.



Гуырдзыстоны лигъдæтты министрады мониторингы куыстуаты æмкусджытæ бинонты бæлвырд кæнын дарддæр кæнынц.

«Мониторингы куыстуаты хатдзæджы бындурыл, уагъд цæуы лигъдæтты фарстæты сахуыр кæныны къамисы рабадт, цыран æркæсдзысты уыцы лигъдон бинонты дæргъвæтинæмгъуыдон цæрæн фæзуатæй сифтонг кæныны фарстмæ, кæцытæн курдиат ис фыст г. Гуры, комбинаты цæрæнуаты уæвæг объекты тыххæй», - зæгъынц министрады минæвæрттæ.

Протесты нысанæн, къæлидоры Гамхуашвили Витали, кæцыйы бинойнаг Абхазийæ лигъдон у, йæ тугдадзинтæ æрбалыг кодта.