Бербукы лигъдæтты цæрæнуаты темон центры, æмбæстагон æхсæнады институты минæвæрттæ скъолæйы ахуырдзаутимæ фембæлдысты. Фембæлды организаторы, Мурадашвили Дакойы ныхасмæ гæсгæ, æмбæстагон æхсæнады институт æрыгон фæсивæды хъæугæдзинæдты ахуыр кæны. Райсгæ информацийы фæстæ æмæ æмбарынады сбæрзонд кæныны нысанæй, сывæллæттимæ аккаг онлайн-курсытæ ауадзын сплан кæндзысты.

Фембæлдыл уыдысты æндæр æмæ æндæр кары ахуырдзаутæ. 15 аздзыд Басишвили Ликъа Бербукы лигъдæтты цæрæнуаты цæры æмæ ацы хъæуы скъолæмæ цæуы ахуыр кæнынмæ. Зæгъы, цæмæй англисаг æвзаг скъолæйы куыд æмбæлы афтæ нæ ахуыр кæны æмæ йæ уæлæмхас уроктæ хъæуы. Уымæ гæсгæ, кæд æмæ цæрæнуаты темы центры специалист фæлтæргай цæудзæн, лигъдон æвзонг фæсивæд хуыздæр сахуыр кæндзысты англисаг æвзаг æмæ сын стæй фæлварæнты рæстæджы æмæ куыст агурыны рæстæджы дæр пайда уыдзæнис.

Темы центры, цалдæр азы размæ, англисаг æвзаджы лæвар курсытæ уыдис, фæлæ проекты фæуды фæстæ, англисаг æвзаг сахуыр кæныны проблемæ лигъдон ахуырдзаутæн ноджы фæзынд.

Ликъа ацы фарстæйы фæдыл темы центры ауагъд фембæлдыл раныхас кодта. Рæзгæ фæлтæры хъуыдымæ гæсгæ, бынæттон хицауады æххуысæй ацы фарстæйы æрбæстон кæнын гæнæн ис.

Ликъайæ дарддæр ма, бынатыл уæвæг проблемæтыл æндæр ахуырдзаутæ дæр раныхас кодтой. Ахуырдзаутæй сæ иу скъолæйы чъизи доны тыххæй дæр загъта æмæ аккаг куыстуæттæн бацымыдис кæнынырдæм басидтис.

Темы центры къухдариуæггæнæг Мариамидзе Лианайы курдиатмæ гæсгæ, æрыгон фæсивæдæн æмбырдгæнæн бынæттæ æмæ спортивон фæзуаттæй ифтонггонд сты, цæмæ гæсгæ дæр ахуырдзауты ‘хсæн интернетылагъуыддзинад уыйас нал у.