Де-факто Хуссар Ирыстоны хицауады æрфæстиат реакцийæн Ахалгуры районы ноджы иу цæрæг фæамæттаг. 70 аздзыд Тенгиз Мартъиашвили, Ахалгуры районы Мартъианы хъæуы цæрæг, хæлцагон интоксикацийы диагнозæй – нырма Ахалгуры, æмæ стæй Цхинвалы рынчындонмæ акодтой. Куыддæр æмбæстагон активист Тамарæ Меарахъишвили «Эхо Кавказамæ» лæвæрд интервьюйы дзуры:

«Тенгиз Мартъиашвили, 70 аздзыд, дард Мартъианы хъæуы цæрæг, уым фыццаг медицинон æххуысы пункт дæр дзы нæй. Лæг тыхджын уыдис. Йæ чызг Мегиимæ иумæ фосдарды куыст кодта. Фыд æвзæр куы ссис, чызг бирæ хатты фæсидтис тагъд æххуысмæ, стæй районон рынчындонмæ акодта, цæмæй Тбилисмæ акæныны бар систаид, фæлæ зæронд лæджы нæ ауагътой, хæлцагон интоксикаци йын æсбæлвырд кодтой æмæ уыцы дыууæ бон хуыссыдис Ахалгуры рынчындоны. Уый фæстæ та акодтой Цхинвалмæ, уым цыппар бон арвыста. Меги Тбилисмæ ауадзын куырдта. Фæстагмæ та «Сырх дзуары» æххуысæй ацæуыны бар радтой. Пациенты Мцхетæйы клиникæмæ бакодтой, æмæ мæгуыр зæронд иу боны фæзиан. Куыддæр дзы разынд, ныффæстиат уыд ныридæгæн. Уый фæстæ иу хъæлæба кæнынц, ацы хабары хайадисджытæ – дохтыртæ æмæ Ахалгуйраг чиновниктæ, кæрæдзийы аххос æмæ рæстдзинады агурынц.»

Уыцы факт дæр фæнысан кæнинаг у, ацы цау фыццаг куы нæ æрцыдис. Гуырдзыстонæй контролгонд территоримæ пациентты госпитализаци æнæформалæй ног къухдариуæгады æрлæууынæй райдыдта:

«19-æм хурхæтæнæй районы нын ног къухдариуæгад ис. Нæ йæ фехъуыстон кæд ахæм скъуыдздзаг рахастой, æмæ районон рынчындонæн бардзырдтæ радтой, фæлæ сæ æрцæуыны фæстæ Тбилисмæ уæззау рынчынты госпитализаци дæр дзы фæурадтой. Уыдоны ныннысан кæныны фæстæ нын æртæ цау уыдис, уæззау рынчынты хæстæджытæ куы куырдтой Тбилисмæ сæ уадзын хоскæнынмæ, фæлæ сæ æсдауд кодтой. Иу цау та трагедийæ фæцис – лæг фæзиан.» - банысан кодта Тамарæ Меарахъишвили.

Мардгоймаджы хосгæнæг дохтыртæ банысан кодтой æмæ анализтæм гæсгæ Тенгиз Мартъиашвилийæн Хъырым-Къонгойы геморрагикон тæвднизы сепсисæй фæзиан. Низ хоскæнын æмæ пациенты аирвазын сæ бон уыд, фæлæ йæ хъæугæ зынаргъ рæстæг фесæфт. Дохтырты ныхæстæм гæсгæ, клиникæйы куы бахауд, ныридæгæн æнæмадзал уавæры уыд.

Сæфт зынаргъ рæстæг уыцы æхсæз бон у, кæцыты дæргъы пациенты æсдауд кодтой Гуырдзыстонмæ госпитализацийыл. Ай куы нæ уыдаид, уæд ницы аххосæг Хуссар Ирыстоны хицауады ныхмæ нæ уыдаид!

Ацы цауыл йæ хъуыды загъта Цхинвайлаг æмбæстагон активист Цыхуырбаты Тимур, уый йæ фейсбук фарсыл фыссы:

« Тынг æмæ тынг фæдисон хъусинаг райхъуыст ног хицауадыл, сæ лæмæгъдзинады тыххæй( æхсæз боны аскъуыдздзаг кодтой фарста, кæцыйы аскъуыдздзаг кæнын дæр цалдæр сахаты уыд сæ бон) Фæстиуæгæн, Ленингоры районы фæстиат медицинон æххуысы тыххæй нæлгоймаг фæзиан. Аслам политикон амбициты уацар æссис адæймаджы цард. Гаглойты Алан серёзонæй хъуамæ фæхъуыды кæнæд, кæй аххосагæй æрцыдис ацы трагеди, æмæ тылиф кæнæд йæ фæлхатт кæнын. Æз мæхæдæг æстыр ныфсытæ æвæрын нæ ног хицауады.»