Карелы цӕрӕг Темур Къопъадзе Тбилисы Медицинон Университеты ахуыр кӕны ӕмӕ суинаг нейрохирург у. 20 аздзыд студент президенты стипенди исӕг ӕмӕ студентон зонадон иртӕсӕн организаци Eნდეავორ-ы уӕнг у.

Темур нын дзуры йӕ зонадоны статиты тыххӕй, кӕцытӕ ӕндӕр ӕмӕ ӕндӕр медицинон журналты цӕуынц мыхуыры. Уыцы статьяты дзуры уӕззау низтыл, уыдоны аххос ӕмӕ хос кӕнын тыххӕй.

"Туркаг медицинон зонадон журналы мӕхи зонадон стати ӕрцыд мыхуыры, кӕм фыссын миокардийы карз инфарктгонд пациентыл, кӕцы дӕр короналон ангиографийы фӕстӕ амард. Ацы статийы ныхас цыд цы уыд йӕ мӕлӕты аххосаг. Ноджы ма гуырдзыйаг журналы дӕр мыхуыргонд мӕ стати, кӕм дзурын урбанизацийы тыххӕй. Ноджы ма ныффыстон зонадон куыст подагрӕйы тыххӕй, кӕм фыссын куыд йӕ генетикон, афтӕмӕй йӕ биохимикон аххостыл дӕр. Хосгӕныны фӕндӕгтӕ, медикаменттӕ ӕмӕ а.д. ӕндӕр ӕмӕ ӕндӕр продукттӕ кӕцытӕй подагрӕйӕ рынчынгонд адӕймӕгтӕ ма хъуамӕ пайда кӕной." — ӕмбӕрын нын кӕны Темур Къопъадзе.

Темур йӕ сывӕллоны карӕй зыдта дохтыр куы суыдаид. Алыхатт дӕр хъуыды кодта ууыл, йӕ хӕстӕджытӕн ӕнӕниздзинады проблемӕтӕ куыд фӕхуыздӕр кодтаид.
"Гыццылӕй-иу дзырдтон, еныр зӕгъын ӕз дохтыр куы уон, уӕд ӕз мӕхӕдӕг феххуыс кодтаин ацы адӕмӕн, куыд ӕнӕниздзинад, афтӕ царды хъуыддӕгтӕй дӕр." — дзуры Темур Къопъадзе ӕмӕ нын дзуры сомбоны пълантыл дӕр.

"Нейрохирурги, хирургийы хайттӕй сӕ иу у, кӕм операцитӕ сӕры ӕмӕ рагъыстӕджя мӕгъзтыл ӕмӕ уыдонӕй рацӕуӕг нервон системӕйыл цӕуынц. Уай дохтыр уый у цавӕр дӕр романтико. Ам дӕ сӕр ӕрмӕст ахуырӕн хъуамӕ радтай. Куыд технологитӕ афтӕ ӕнӕниздзинадхъахъхъӕнынад дӕр алыбонӕй ног кӕны. Ӕмӕ уый тыххӕй ӕнӕмӕнгхъӕугӕ у цӕмӕй алы ногдзинад дӕр базонай дохтыр, уымӕн ӕмӕ дӕ къухты у адунейыл цы хӕзнатӕ ис, уыдонӕй се 'ппӕты зынаргъдӕр — адӕймаджы цард" — дзуры нын суинаг нейрохирург Темур Къопъадзе.