Нырид 11-ӕм аз у Никозы хъӕу анимацион фильмты ӕхсӕнадӕмон фестиваль кӕй фысым кӕны. Фестивалмӕ ӕндӕр ӕмӕ ӕндӕр бӕстӕтӕй ӕрцӕугӕ оскарджын режиссёрты хсӕн равдыстой Никозы хъӕуы цӕрӕг Никъа Мчъедлидзейы анимацион фильм "Мӕн у".

Никъа ацы аз фӕцис Тбилисы аивадон академи ӕмӕ фестивалыл дӕр йӕ дипломон куыстӕй рахызт.



"Мӕ дипломон куыст, 2 минутон тизер, арӕзт ӕрцыд режиссёр Гела Къанделакъийы фыстытӕм гӕсгӕ. Анимаци "Мӕн у" комедийы жанры у, фӕлӕ ис ма дзы хӕсты темӕ дӕр, кӕцы мӕнӕн тынг нысаниуӕгджын у. Фильмы концепци ахӕм у: ӕнӕкӕрон ӕфсӕнвӕндагыл бады дыууӕ халон ӕмӕ ӕнӕбакӕсгӕ уымӕ ӕфсӕнвӕндаг ӕнӕкӕрон кӕй иуы инӕӕйы бынат фӕнды уӕддӕр ӕмӕ уый тыххӕй райдайдзысты мӕлӕтмӕ хӕцын, уыцафон разындзӕнис хӕддзог(поезд) ӕмӕ дыууӕдӕр фесӕфдзысты." — ӕмбарын нын кӕны Никъа.



Никъайы ахуыры адарддӕр кӕнын магистратурӕйы фӕнды ӕмӕ йӕ суинаг пълантӕ дӕр йӕ профессион размӕдзыдимӕ сты баст.

"Аивадон академийы ахуыр кӕныны паралеллонӕй дыууӕ режиссёры анимацийыл бакуыстон, куыд аниматор, ӕмӕ мын уый кӕй зӕгъын ӕй хъӕуы егъау фӕлтӕрддзинад мын радта. Еныр та хъуамӕ фӕуон ацы тизер ӕмӕ ӕнӕхъӕн фильмыл хъуамӕ бакусон" — дзуры Никъа Мчъедлидзе.



Никъа йӕ профессиуарзӕг адӕймаг у ӕмӕ лӕмбынӕгӕй нын ӕмбарын кӕны пурты ӕрхауыны кадр, сӕрӕй гравитацийы тыххӕй куыд сындӕггай ӕрхауы ӕмӕ стӕй куыд тагъд. Никъа дзуры ӕмӕ ныв кӕны Ньютоны закъонмӕ гӕсгӕ.

"Ӕз ныв кӕнынӕй кӕй бацымыдисджын дӕн, уыцы хъуыддаджы стырдӕр хай цӕуы мӕ нанайыл. Уый хуыйаг у ӕмӕ эскизтӕ куы ныв кодта, ӕз ӕмӕ цымыдисӕй кастӕн. Стӕй мӕнӕн дӕр сахуыр кодта ӕмӕ мӕ бауарзын кодта ныв кӕнын" — йӕ зӕрдыл лӕууын кӕны Никъа ӕмӕ йӕ нанайӕ куры, цӕмӕй радзура куыд ӕй бауарзын кодта ацы хъуыддаг.



"Кӕрӕдзимӕ ерыстӕ кодтам, чи хуыздӕрӕй сныв кодтаид, пынцылтыл(кърандастыл) хацыдыстӕм ӕмӕ ӕз ӕм кастӕн куыд сныв кодтаид. Ӕз профессийӕ хуыйаг дӕн, Никъайы зӕрдӕмӕ дӕр цыдис мӕ нывтӕ ӕмӕ мын-иу афтӕ загъта: нана, ды куыд рӕсугъдӕй ныв кӕныс" — йӕ зӕрдыл ӕрлӕууын кӕны Лейла Мазмишвили.

"Ӕз фӕдӕн пысулы техникум, Карелы район Дирбы хъӕуӕй рацыдтӕн чындзы Никозмӕ. Тынг ӕвзонг уыдтӕн хуыйын куы райдыдтон, хъӕуы астӕу мын хуыйӕн уыдис, ахуырдауттӕ дӕр мын уыдысты. Стӕй мах ӕмӕ Цхинвалы хсӕн тынг ӕвзӕр хабар рцыдис, хӕст райдыдта ӕмӕ нӕ хӕдзарыл бомбӕ ӕрхаудис, мах Тбилисмӕ алыгъдыстӕм, уым цардыстӕм, Никъа дӕр Тбилисы скъоламӕ бацыдис, фӕлӕ иуыл кӕугӕ кодта ӕмӕ та фӕстӕмӕ рыздӕхтыстӕм ӕмӕ ам цӕрӕм"

Нанайы ныхӕстӕм гӕсгӕ, уый Никъайы сывӕллондзинадӕй зыдта ныв кӕныны талант ын кӕй уыдис:

"Афтӕ иунӕгӕй-иу цыдис кӕрты ӕмӕ бӕлас уыдис ӕви дидинӕг, афтӕ бирӕ сӕм кастис, стӕй-иу бацыдаид хӕдзармӕ ӕмӕ та ныв кодта. Ӕз ӕвиппайды дӕр зыдтон, уый йӕ зонды мидӕг нывтӕ куы кодта. Махмӕ фыд Исайя куы ӕрбафтыд ӕмӕ нӕ аргъуан кусын куы райдыдта уӕд ам бакодтой сывӕллӕтты культурӕй центр, кӕм ахуыр кӕнынц: анимаци, аууӕтты театр, ныв кӕнын; Никъайы зӕрдӕмӕ дӕр тынг цыдис уым, иу бон нӕ ацыдаид аытӕ, уырдӕм куы нӕ азгъордтаид. Тынг дзӕбӕх лӕппу у Никъа йӕ удыхъӕдӕй" — дзуры Лейла Мазмишвили